Si çdo fundjavë tjetër radhë në pikën kufitare të Morinës.
Të shumtë janë qytetarët kosovarë që kanë vendosur të kalojnë fundjavat e fundit me diell në bregdetin tonë shqiptar.
Mësohet se vetëm gjatë ditës së sotme në Shqipëri kanë hyrë rreth 10 mijë automjete e 25 mijë qytetarë, duke shkaktuar një radhë prej rreth 2 kilometrash.
Ndërkohë sportelet në doganë po punojnë me procedurë të përshpejtuar për shkak të radhëve të krijuara nga fluksi i madh i njerëzve, por ka qenë e pamundur të mos shkaktohej radhë kilometrike.
Kujtojmë se ky sezon turistik filloi me vonesa për shkak të situatës së pandemisë, por qytetarët kosovarë për asnjë moment nuk hoqën dorë nga bregdeti ynë.Që prej hapjes së kufirit, kanë qënë vizitorët nga Kosova ata që mbajnë vendin e parë për turizëm në Shqipëri, duke kaluar qoftë edhe për një fundjavë.
