FSHF dhe qeveria shqiptare po mbajnë një takim me temë: “Siguri-Reformim-Modernizim” në ambientet e hotel “Tirana International”.
Në këtë tryezë janë të pranishëm kryeministrit, Edi Rama, përfaqësues nga Ministria e Sportit dhe drejtues të FSHF-së, si dhe nuk mungojnë as drejtuesit e klubeve elitare të futbollit shqiptar.
Kërkesa kryesore është rikthimi i policisë në stadiume dhe ndryshimi i ligjit për sportin.
Gjithashtu, një kërkesë parësore do të jetë që dhunuesit në sport të dënohen, duke u bërë pra një vepër penale.
“Dhuna në stadiume nuk mund të tolerohet më. Policia e Shtetit dhe FSHF, mos t’ja lënë topin njëri-tjetrit, por të bashkëpunojnë. Rikthimi i Policisë në stadiume do të kërkonte amendimin e ligjit dhe një vendim të posoçëm. Unë besoj se aq sa e rëndësishme është që të policia të përfshihet, aq e rëndësishme është që të mos mbetemi thjeshtë te policia.
Shqetësimi mbetet te impiantet sportive. Ka mjaft impiante që nuk i kanë parametrat minimale të sigurisë. Duhet bashkarisht të garantojmë monitorimin me kamera të të gjitha impianteve. Teknologjia na i jep si mundësi.
Ne do të ndërhyjmë menjëherë në kodin penal. Kapërcimi i vijave të bardha dhe futja në fushë do të dënohet me 3 vjet burg. Ky do të jetë hapi i parë që ne do të bëjmë me parlamentin për të ndryshuar kodin penal”– u shpreh kryeministri Rama.
