Tashmë që edhe vendi ynë ka shënuar dy rastet e para me Coronavirus, frika në radhët e shoqërisë është rritur ndjeshëm.
Qeveria ka marrë masa të ndryshme, teksa ka pezulluar aktivitetin mësimor për 2 javë dhe të gjitha aktivitetet e tjera publike deri më 3 prill.
Ministrja e Arsimit: “Mësimi do zhvillohet në klasa virtuale, provimet e maturës nuk shtyhen”
Ndërkohë, edhe ministrja e Shëndetësisë Ogerta Manstirliu doli në një konferencë për shtyp, ku dha detaje rreth masave të marra.
Emergjenca Koronavirs/ Manastirliu: “Pezullohen operacionet e planifikuara”
Së fundmi, kreu i qeverisë Edi Rama është munduar të qetësojë shqiptarët, teksa ka shpërndarë një status nga presidenti i SHBA Donald Trump.
Rama shkruan se prononcimi i Trump, i cili bën krahasimin mes jetëve të humbura nga gripi i zakonshëm dhe nga Coronavirusi nuk është një thirrje ‘moskokëçarje’.
Më tej, Rama shkruan se nuk duhet pasur frikë nga përhapja e Coronavirusit por që duhet pasur shumë kujdes.
“Ky prononcim i Presidentit të Shteteve të Bashkuara nuk duhet lexuar kurrësesi si një ftesë për moskokëçarje, por thjesht si një fakt për të mos humbur qetësinë e kthjelltësinë” shkruan Rama.
Ndërsa mesazhi i Trump që kryeministri e ka shpërndarë thotë:
“Vitin e shkuar 37.000 amerikanë humbën jetën nga gripi i zakonshëm. Mesatarja vjetore e vdekjeve nga gripi (SHBA) është mes 27.000 dhe 70.000 në vit. Asgjë nuk ndalet, jeta&ekonomia vazhdojnë. Në këtë moment janë konfirmuar 546 raste të Coronavirus dhe kanë humbur jetën 22 persona. Mendojeni pak”
Në rang global deri më tani janë shënuar 3821 viktima dhe 108,000 të infektuar, teksa pjesa më e madhe janë të regjistruar në Kinë.
Megjithatë, javët e fundit, virusi ka prekur Europën, ku gjendja më e vështirë duket të jetë në Itali, vendi i dytë më i prekur në botës pas Kinës, teksa në Gjermani janë regjistruar dy viktimat e para.
Coronavirusi në Gjermani: Shënohen dy viktimat e para, rritet ndjeshëm numri i të infektuarve
