Autovetura e tij luksoze e tipit “Mercedes-Benz” ka shpërthyer në flakë në qendër të qytetit, por vëllai i ish-Presidentit të Republikës, ka arritur të shpëtojë për “fije”.
Makina ishte në pronësi të Ilir Nishanit, pikërisht vllait të ish-Presidentit, Bujar Nishani, i cili ka arritur që të dalë kur automjeti ka shpërthyer në flakë sot në qendër të Durrsit.
Makina në pronësi të, Ilir Nishanit, ka qenë në lëvizjë në momentin që është përfshirë nga flakët.
Sipas njoftimit të policisë drejtuesi i mjetit arriti të dilte nga makina pak para se të përfshihej nga flakët.
Shkak për shpërthimin e flakëve është bërë një shkëndijë elektire që ka takuar me impiantin e gazit.
Në një intervistë të shkurtër nga vendi i ngjarjes për “News 24”, Ilir Nishani ka rrëfyer përjetim e tij.
“Dëgjova një zhurmë, pashë flakët nga pas makinës dhe më pas edhe përpara. Zbrita menjëherë, ktheva kokën dhe pashë flakët. Dyshoj se është defekt në impiantin e gazit, asgjë tjetër. Sot në mëngjes kur dola nga garazhi, lashë pas një erë të rëndë gazi”,- tha Nishani.
Njoftimi i policisë:
“Më datë 31.10.2020, rreth orës 10:10, në lagjen nr.12, Durrës, ka marrë flakë në ecje mjeti tip “Benz”, me drejtues shtetasin I. N., 48 vjeç, nga e cila ka vetëm dëme materiale.
Nga hetimet paraprake dyshohet se mjeti ka marrë flakë nga një shkëndijë elektrike.
Grupi hetimor ndodhet në vendngjarje dhe po punon për zbardhjen e plotë të ngjarjes”.
/Video: BW/ GazetaReforma.com/
