Në 20-25 vitet e fundit në territorin e Shqipërisë është bërë një masakër e vërtetë në florë dhe në faunë, ku në mungesë të ligjeve dhe shtetit, individi i ka shkaktuar dëme të mëdha natyrës.
Që prej vitit të mbrapshtë 1997 e deri më sot, masakra në pyje e parqe kombëtare ka vijuar me intensitet të çmendur, dhe po ashtu të pamëshirshëm shqiptarët janë treguar edhe tek kafshët e egra.
Por falë ndërhyrjes dhe rregullave të vendosura në disa rezervate, siç është ai i Divjakë-Karavastasë, fauna dhe flora u rikuperuan sërish.
Por vitet e fundit moratoriumi për gjuetinë, si dhe këtë vit karantina, bënë që edhe në shumë zona të tjera të vendit të shtohet prania e kafshëve të egra.
Fotot e fundit vijnë nga bjeshkët midis Kukësit dhe Dibrës, ose më saktë nga malet në parkun Koritnik-Korab, ku natyralistët dhe autoritete që merren me censuset e kafshëve, kanë zbuluar një mrekulli dhe një larmi të vërtetë faune të egër.
Pamjet janë filmuar natën në pyjet e Kukësit, aty ku shtetrrethimi dhe karantina nuk njihen.
Kafshë të egra si dhelpra, kaproj, derra të egër, lepuj etj., janë kapura nga kamerat-kurth të vendosura aty në muajt e fundit.
Kafshët e egra janë filmuar dhe fotografuar kryesisht natën, në orët kur ndiejnë se pylli është plotësisht vetëm i tyri.
Ju ftojmë që ti shikoni këto foto:
/GazetaReforma.com/
