Disa ditë më parë në Tiranë u mbajt Samiti i Liderëve të Ballkanit Perëndimor, ku pjesëmarrëse ishin edhe kryeministrja serbe, Ana Branabiç. Ditën e sotme kryeministrja ka komentuar debatin dhe polemikat që shkëmbeu me kryeministrin e Kosovës Albin Kurtin.
‘’Takim i trazuar dhe i vështirë’’- thotë Brnabiç për përpalljen me Kurtin teksa shton se kryeministri i Kosovës është një fanatik ideologjik me zero pragmatizëm.
Branabiç ka arritur edhe më tej duke e ftuar kryeministrin Albin Kurti që të padisë Serbinë për gjenocid, ta provojë, por jo të kërcënojë. Sipas saj, kryeministri i Kosovës po bën cirk dhe gjërat sa vijnë dhe po bëhen edhe më të vështira.
‘’Ai kërcënon Serbinë me procese gjyqësore për gjenocid çdo ditë. Le të bëjë një proces gjyqësor dhe pastaj le të thotë çfarë të dojë, le të provojë atë që ka, por jo të kërcënojë, sidomos jo në takimet rajonale, sepse atëherë ai bën një cirk’’- thotë kryeministrja e Serbisë.
Gjithashtu Branabiç ka dhënë edhe një opinion për dialogun Kosovë-Serbi që do të mbahet së shpejti. Madje Ajo është shprehur se nuk ka besim se do të arrihet një marrëveshje të përbashkët Kosovë-Serbi.
Kujtojmë se kryeministri i Kosovës, Albin Kurti disa ditë më parë mori pjesë në Samitin për Ballkanin Perëndimor të zhvilluar në Tiranë. Albin Kurti ka pranuar se mes tij dhe kryeministres serbe, Ana Brnabiç ka pasur përplasje. Ai në një deklaratë për mediat u shpreh se pikërisht për çështjen e njohjes, pati polemika me kryeministren serbe.
