Është mbyllur me fitore të merituar ndeshja midis Shqipërisë dhe Bjellorusisë e mbajtur mbrëmjen e sotme në stadiumin “Dinamo National Olympic Stadium” në Minsk. Ndeshje kjo e vlefshme për Ligën e Kombeve.
Kombetarja jonë mposhti 0-2 përfaqësuesen e Bjellorusisë në ndeshjen që zgjati 90+4 minuta.
Ishte Sokol Cikalleshi ai që zhbllokoi shifrat në mesin e pjesës së parë pas një topi të marrë nga kapiteni Hysaj. Sulmuesi nga Kavaja dhuroi një goditje të fortë nga jashtë zone, duke mposhtur portierin vendas.
Edhe vendasit tentuan të shënonin një gol në minutat e mbetura, por Strakosha nuk e lejoi diçka të tillë.
Tashmë Shqipëria ka marrë kryesimin e grupit së bashku me Kazakistanin që fitoi ndeshjen tjetër në transfertë ndaj Lituanisë. Me këtë të fundit Shqipëria luan në Tiranë pas 3 ditësh ku do të tentojë 3 pikët e radhës.
Nations League, grupi C
Bjellorusi-Shqipëri 0-2
(Cikalleshi 23′, Bare 79′)
