Një konflikt për motive të dobëta ka përfunduar me plagosjen e dy personave mbrëmjen e djeshme në Fier. Ngjarja ndodhi në lagjen “11 Janari”, ku shtetasi A. M., 28 vjeç, u përplas me vëllezërit E. H., 40 vjeç dhe T. S., 38 vjeç.
Sipas hetimeve paraprake, gjatë debatit, E. H. ka goditur me thikë në trup 28-vjeçarin A. M., duke i shkaktuar plagë të rënda. Ndërkohë, T. S. ka marrë dëmtime të lehta në dorë gjatë incidentit.
Pas veprimeve të shpejta hetimore, policia arrestoi në flagrancë E. H., i cili akuzohet për veprën penale “Vrasja me dashje” e mbetur në tentativë. Hetimet po vijojnë për të sqaruar të gjitha rrethanat dhe për të përcaktuar përgjegjësitë e tjera të mundshme.
