Fasoneritë janë kthyer në vatra infeksioni të COVID-19 gjatë ditëve të fundit.
Këto biznese, nuk kanë respektuar masat mbrojtëse ndaj koronavirusit dhe nuk kanë siguruar punonjësit e tyre.
Më problematike paraqitet situata në Krujë, ku së fundmi ka rezultuar pozitiv punonjësi i një fasonerie me rreth 300 punëtorë.
Ai ka qenë në punë deri më datë 3 prill dhe më pas fasoneria është mbyllur.
Ka dyshime se ky person, mund të ketë infektuar edhe punonjës të tjerë.
Ky nuk është rasti i vetëm në Krujë, pasi gjithashtu të paktën 28 punëtorë në një fasoneri tjetër rezultojnë të prekur nga COVID-19.
Numri total i të prekurve nga COVID-19 në Krujë ka shkuar në 19.
Ndërsa në rang kombëtar numërohen 562 të infektuar, në mesin e të cilëve 26 viktima dhe 314 të shëruar.
