Është publikuar lista me 54 kriminelët më të kërkuar në Europë nga Europol, pjesë e të cilës është edhe 50-vjeçari shqiptar Gani Burreli.
Burreli kërkohet nga autoritetet e Qipros, pasi dyshohet si i përfshirë në vrasjen e trefishtë të ndodhur më 23 Qershor të 2016-s.
Burreli akuzohet sëbashku me një bashkëpunëtor, të maskuar dhe të armatosur me pistoleta e armë automatike, hapën zjarr dhe vranë një biznesmen, një oficer policie dhe bashkëshorten e tij, në një restorant në Ayia Napa.
Në kohën e krimit, në restorant ndodheshin edhe fëmijët e mitur të policit.
Nga ngjarja mbeti i plagosur rëndë një tjetër polic, megjithatë ai arriti të vriste bashkëpunëtorin.
Burreli besohet se u largua nga vendngjarja me një makinë që u gjet më vonë e djegur.
Ai dyshohet gjithashtu se është i përshirë në disa vrasje të tjera në Ayia Napa, si pjesë e një bande kriminale shqiptare.
