Reporti për Shqipërinë nga grupi parlamentar i PPE në Parlamentin Europian, David Lega, ka lëshuar një paralajmërim tjetër për qeverinë shqiptare.
Sipas tij, nëse miratohet paketa “Anti-shpifje”, shqipëria rrezikon seriozisht hapjen negociatave për anëtarësim.
“Nëse qeveria e Ramës aprovon ligjin për median, vë në rrezik serioz hapjen e negociatave për anëtarësim. Ata duhet t’i përmbahen rekomandimeve të Komisionit Europian dhe Këshillit të Europës” shkruan Lega.
Më tej ai thotë se grupi i PPE, beson fuqishëm se Shqipëria do të hapë negociatat me BE.
Ndër të tjera Lega shkruan, se Shqipëria duhet t’i përmbahet kritereve të Copenhagenit, të cilat janë standarti bazë për një vend kandidat.
“Grupi i PPE në Parlamentin Evropian beson fuqimisht në hapjen e negociatave të anëtarësimit në BE me Shqipërinë. Sidoqoftë, Shqipëria duhet t’i përmbahet kritereve të Kopenhagenit, që janë standardi bazë dhe minimumi për një vend kandidat.
Kujtojmë këtu se ditën e djeshme, Lega tha se nëse qeveria shqiptare miraton paketën “Anti-shpifje”, rrezikon edhe presidencën e OSBE.
