Ndeshjet dhe spektakli i “Euro2020” vazhdojnë nga sot me nga 3 ndeshje në dite dhe sot do të luhen një takim i Grupit A dhe dy të Grupit B.
Në orën 15:00, në Baku të Azerbajxhanit, do të jetë radha e Zvicrës me Xhakën e Shaqirin, që do të përballen me Uellsin e Gareth Bale e Aaron Ramsey, si sfida e dytë e Grupit A. Do të jetë ndeshje shumë e rëndësishme për të dyja skuadrat të cilat dëshirojnë ta nisin me këmbën e mbarë.
Më pas, në orën 18:00, nisin sfidat e Grupit B, ku e para do të jetë, Danimarkë-Finlandë, një derbi skandinav që do të zhvillohet në Copenhagen përpara tifozëve vendas.
Në mbrëmje, do të jetë dhe supersfida e Grupit B mes Rusisë dhe Belgjikës në orën 21:00. Përballja do të luhet në “Gazprom Arena”, në Shën Petersburg me mbi 35% të kapacitetit të tifozëve ku shumica do të jenë sigurisht vendas.
Do të jetë mbrëmja ku Lukaku, Hazard, De Bruyne, Cheryshev, Dzuyba e shumë yje do të tregojnë nëse mund të përballojnë presionin për tu konsiseduar si favorit i Grupit B. “Euro2020” ka nisur 12 muaj me vonesë dhe është pritur me padurim nga fansat e futbollit, që nga dita e sotme do të shijojnë 3 ndeshje në ditë.
