Klement Balili, ose siç njihet ndryshe “Eskobari i Ballkanit”, ka kërkuar që të ndryshojë burg për të kryer dënimin e mbetur prej 10 vitesh heqje lirie. Mësohet se Balili ka kërkuar nga Gjykata e Elbasanit që 10 vitet brenda qelisë t’i kalojë në një burg të sigurisë së zakonshme.
Kjo kërkesë e Balilit për të kaluar 10 vitet e fundit në një burg të zakonshëm vjen për arsye të përfitimeve dhe lehtësirave përsa i përket lejeve për të dalë nga qelia apo edhe ulje dënimi.
Tani më i mbetet Gjykatës së Elbasanit të shqyrtojë kërkesën e Bilalit dhe të vendosë.
Klement Balili përfitoi nga gjykimi i shkurtuar i Gjykatës së Krimeve të Rënda e cila e dënoi me 10 vite heqje lirie ne burg të sigurisë së lartë, në Peqin.
Ai jetoi 2 vite në arrati dhe u vetëdorëzua pak muaj më parë, kur dosja e tij u dërgua për gjykim. Emri i Klement Balilit u zbulua nga policia greke, gjatë një hetimi për trafik lëndësh narkotike nag ana e një organizate kriminale.
Balili u shpall fajtor për akuzat ‘Trafikim i lëndëve narkotike kryer në bashkëpunim në formën e grupit të strukturuar kriminal”, “Refuzim për deklarim dhe moskdeklarim, fshehje ose deklarim të rremë të pasurisë” “Pastrim të produkteve të veprimtarisë kriminale.”
