Enton Punavija, Drejtori i Transportit dhe Trafikut Rrugor në Bashkinë e Tiranës, është paraqitur para Gjykatës së Posaçme të Shkallës së Parë për Krimin e Organizuar dhe Korrupsionin , ku zhvillohet seanca paraprake për dosjen “5D”. Ai është akuzuar dy herë shkeljen e barazisë në tendera dhe në bashkëpunim me persona të tjerë.
Sipas hetimeve, në periudhën 2016-2020, Punavija dyshohet se ka favorizuar shoqërinë “5D Konstruksion” në 12 procedura prokurimi, duke shkelur rregullat e prokurimit publik dhe duke përfituar pasuri të fituara në mënyrë të paligjshme.
Gjatë hetimeve janë zbuluar fakte që vërtetojnë se shoqëria “5D Konstruksion” ka realizuar përfitime të paligjshme prej rreth 192.8 milionë lekë nga kontratat publike, duke përdorur fatura fiktive dhe skema të tjera të pastrimit të parave.
Gjithashtu, janë sekuestruar pasuri të paluajtshme dhe llogari bankare në emër të të akuzuarve dhe të afërmve të tyre. Për Punavijën është caktuar masa e sigurisë “detyrim paraqitje” ndërkohë që hetimet për pasuritë e tjera të dyshuara vazhdojnë.
