Para disa ditësh një aksident i pazakontë ndodhi tek diga e Liqenit Artificial të Tiranës.
‘Reporttv’, e cila ka zbardhur dosjen e aksidentit, bën të ditur se Eldi Allushi, 26-vjeçari i cili u arrestua nuk ka qenë fare në makinë. Ajo drejtohej nga Emiliano Nina, kushëriri i Ervis Martinajt dhe pasagjer ishte Jurgen Allushi, kushëriri i Eldi Allushit.
DËSHMITË E DY TË ARRESTUARVE:
Eldi Allushi: Si tregova policisë se s’doja ti bëja keq Emilianos. Ai ma kërkoi makinën dy herë për të marre një shoqe dhe unë ja dhashë.
Jurgen Allushi: Unë kisha pire një bidon ujë dhe Emiljano 3 birra kur ndodhi aksidenti.
Eldi Alushi: Emiliano pasi erdhi nga aksidenti fjeti gjumë, mua s’më tregoi. Më mori në telefon një oficer policie dhe i thashë qe do paraqitem vetë në polici.
Për 5 ore nuk u paraqita në polici pasi kisha frikë. Automjetin ma bëri dhuratë xhaxhai im disa kohë më parë.
Hetuesve në telefon Eldi Allushi u ka thënë se s’ka konsumuar alkool por një cigare hashash pasi ishte në shoqërinë e një femre. Ky deklarim ka rezultuar alibi per te fshehur te vërtetën e aksidentit.
Nesër në gjykatë do të jepet masa për dy të ndaluarit, ndërsa mësohet se prokuroria ka kërkuar ‘arrest me burg’ për kryerje te veprimeve që pengojnë zbulimin e të vërtetës. Ndërkohë, Emiljano Nina vijon ende të jetë në kërkim.
