Përkeqësimi i motit dhe reshjet e shumta në detin Adriatik kanë detyruar autoritetet e Portit të Durrësit që të anulojë të gjithë lundrimet për datën 29 dhjetor.
Sipas agjencisë detare, janë anuluar lundrimet për të gjitha hyrjet dhe daljet Durrës-Bari dhe Bari-Durrës, si dhe Ankona-Durrës.
Nga moti i keq edhe Italia ka mbyllur lundrimet për 2 ditët e ardhshme, pasi forca e dallgëve në det të hapur shkon nga 8 deri në 9 ballë.
Ky përkeqësim i motit rrezikon edhe jetën e udhëtarëve dhe ekipeve drejtuese të trageteve të linjave të udhëtimit, kështu për arsye sigurie Porti i Durrësit i ka anuluar të gjitha lundrimet.
Njoftimi i plotë:
“Autoriteti Portual Durrës ju informon se lundrimet e planifikuara mbrëmjen e sotme nga Porti i Durrësit në drejtim të Barit(Itali) janë anuluar, si pasojë e kushteve të motit që priten të përkeqësohen në orët në vijim.
Agjensitë lundrimore “Duni” dhe “GNV” nëpërmjet komunikimit zyrtar me Dispeçerinë qendrore të APD-së, bëjnë me dije se tragetet “Aurelia” dhe “Bari” nuk do të nisen në orën 23:00 sipas parashikimit. Për të gjitha biletat e rezevuara, kompanitë do të kujdesen për shtyrjen (sapo të rinisin lundrimet) ose rimburësimin e plotë të tyre, sipas kërkesës së udhëtarëve. Ju falenderojmë për mirëkuptimin dhe ju ftojmë që për informacione të mëtejshme të vizitoni faqen tonë zyrtare, https://www.durresport.al/…/raporti-ditor-i-trageteve/”, njofton Autoriteti Portual Durrës./Gazetareforma.com/
