Minisrja e e Shtetit për Marrëdhëniet me Parlamentin, Elisa Spiropali rezulton “e pastrehë”. Në skedën e pasurisë të publikuar nga BIRN, Spiropali duket se nuk ka asnjë shtëpi në pronësinë e saj.
Të jetë kaq e varfër ish-drejtoresha e doganave?
Pasuria familjare që Spiropali ka deklaruar shkon në 5.8 milionë lekë një pjesë e mirë e së cilës janë kursime jashtë sistemit bankar.
Raporti i pasurisë është prodhuar nga BIRN pasi janë administruar deklaratat e pasurisë të Spiropalit nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit, ILDKPKI. Qëllimi i raportit është të bëjë transparencë mbi pasuritë e anëtarëve apo ish-anëtarëve të Këshillit të Ministrave gjatë viteve 2013-2020.
Në vitin 2013 Elisa Spiropali deklaronte një pasuri me vlerë 2.3 milionë lekë dhe natyrisht pas 5 vitesh në pushtet pasuria e saj ishte rritur duke shkuar në vlerën e 5.8 milionë lekëve.
Pjesa kryesore e pasurisë përbëhet nga kursimet në cash në vlerën e 3.4 milionë lekëve, të ndjekura nga likujditetet bankare prej 1.5 milionë lekësh dhe automjete me vlerë 800 mijë lekë.
Për periudhën e deklaruar të ardhurat janë 9.7 milionë lekë, nga të cilat 67% burojnë nga paga e ministres dhe 23% nga paga e bashkëshortit. Një zë i rëndësishëm në burimin e të ardhurave është edhe një kontratë shitjeje e një automjeti nga bashkëshorti, që zë gati 10% të të ardhurave totale.
Çuditërisht në kontrollin aritmetik e logjik të kryer nga BIRN 5 vite të deklarimit rezultuan pa probleme e “flamuj të kuq”.
Por gjithsesi ministrja është kapur në një shkelje. BIRN ka identifikuar si “flamur të kuq” qëllimin e paqartë të një kredie bankare si dhe vlerën e lartë të kursimeve të mbajtura në gjendje cash në shtëpi.
Në vitin 2017 deklarohet një kredi bankare nga Spiropali dhe bashkëshorti i saj, pa sqaruar qëllimin apo përdorimin e kësaj kredie.
Si kursimtare e devotshme, ish-drejtoresha e doganave dhe bashkëshorti i saj zotërojnë në fund të vitit 2018 shumat 22 mijë euro dhe 500 mijë lekë, duke tejkaluar kufirin ligjor të parave që mund të mbahen jashtë sistemit bankar prej 1.5 milionë lekësh.
Ajo që bie më shumë në sy është se as Spiropali e as bashkëshorti i saj nuk kanë deklaruar shtëpi në pronësi apo në përdorim të tyre.
Sa mirë do të ishte sikur Spiropali dhe qeveria në të cilën bën pjesë të ishin kaq të kursyer në politikat që ndjekin. Ndërsa ministrja në fjalë vetëm është pauruar këto 5 vite, shqiptarët janë varfëruar edhe më shumë. Kjo ndodh kur paratë nuk shkojnë për mirëqenien e njerëzve por nëpër darkat e oligarkëve e koncesione.
