Ministrja e Shtetit për Marrëdhëniet me Parlamentin, Elisa Spiropali është treguar mjaft e ashpër në fjalimin e saj në Kuvend me Sali Berishën.
Spiropali theksoi se veriu me Shkodrën në krye i dha një mësim Berishës. Spiropali foli me ironi në gegërisht, duke i thënë “Hupe Sali hupe”.
Sipas ministres shqiptarët e kanë refuzuar Berishën nga veriu në jug.
“Hupe Sali hupe, shqiptarët të refuzuan nga veriu në jug, nga lindja në perëndim sepse vetëm ti nuk e ke kuptuar se shpresa jote për rilindje ka perënduar njëherë e mirë.
Të rrëzoi Shkodra dhe të mohoi Tirana, të braktisi Tropoja, të nëmi Elbasani, Durrësi dhe Kamza, nuk i dha nam nishanit tënd të humbur Gjirokastra, Lezha, Malësia e Madhe, Korça, Dibra e Berati e të refuzuan si kujtim të ligë plotë 95% e shqiptarëve” i tha ajo.
I ashpër ishte edhe Ministri i Drejtësisë, Ulsi Manja që e këshilloi të reflektojë dhe të pranojë humbjen e 14 majit duke dëgjuar Lek Plepin. “Kam një fjalë për Berishën. Mos dëgjo vetëm zërat e brendshme as servilet që të rrinë afër. Reflekto dhe për ata qytetarët që të pëlqejnë. Dëgjo dhe Lek Plepin në Shkodër” tha ai.
I ashpër ishte edhe Ministri i Drejtësisë, Ulsi Manja që e këshilloi të reflektojë dhe të pranojë humbjen e 14 majit duke dëgjuar Lek Plepin. “Kam një fjalë për Berishën. Mos dëgjo vetëm zërat e brendshme as servilet që të rrinë afër. Reflekto dhe për ata qytetarët që të pëlqejnë. Dëgjo dhe Lek Plepin në Shkodër” tha ai.
