Një ngjarje e trishtë ka ndodhur mëngjesin e sotëm. Në Elbasan janë shënuar tre vdekje nga Covid-19. Paraprakisht, bëhet me dije se tre pacientët kanë qenë në moshë mjaft të re, nga 35 deri në 45 vjeç. Prej ditësh ata ishin në gjendje të rëndë shëndetësore.
Të tre viktimat janë nga qyteti i Elbasanit. Po një tjetër pacient nga ky qytet ndodhet në spital në gjendje të rëndë shëndetësore, oksigjenisti i spitalit të Elbasanit, vetëm 38 vjeç është shtruar në spital, për shkak të nivelit shumë të ulët të oksigjenimit.
Mësohet se ai është trajtuar për disa ditë me radhë në banesë, dhe më pas është dërguar në gjendje të rënduar drejt Tiranës, ndërkohë që situata është duke precipituar në të gjitha qytetet e vendit.
Edhe dy ditë më parë dy pacientë me banim në Elbasan ndërruan jetë në Tiranë. I pari ishte një 18 vjeçar pa asnjë sëmundje por që mushkëritë i ishin prekur në masën 100% nga virusi, dhe rasti i dytë ishte një grua 32 vjeçe e cila ndërroi jetë sapo lindi fëmijën.
Kujtojmë se Covid ka ndryshuar natyrën e sjelljes me të rinjtë, shkak mësohet se janë mutacionet e reja.
Këtë të martë ndërroi jetë dhe një 17 vjeçar nga Elbasani. Sipas mjekëve virusi i kishte prekur 100% të mushkrive.
