Të premten e javës së kaluar ndodhi një ngjarje e rëndë në qytetin e Laçit ku iu bë atentat biznesmenit Rakip Roli. Mendohet se motivi i ngjarjes nga ana e autorëve ishte hakmarrja.
Kujtojmë që një ditë pas ekzekutimit të biznesmenit Rakip Roli në Sanxhak të Kurbinit, policia arriti të prangosë tre autoret e dyshuar të ngjarjes. Në pranga ranë babë e bir Skënder dhe Llej Lika si dhe Klaudio Beleshi. Ata u arrestuan nga forcat e policisë të komisariatit të Kurbinit, pasditen e së shtunës brenda një banese në zonën e Fushë-Milotit.
Gjykata e Kurbinit ka vendosur masën e sigurisë arrest me burg për tre të ndaluarit për vrasjen e biznesmenit Rakip Roli. Gjyqtari Aurel Arapi, pranoi kërkesën e Prokurorit Bardhyl Shehu dhe i ka lënë në burg shtetasit, Llej e Skëder Lila, si dhe Klajdi Gjegjaj (Belshi). Ndaj tyre, rëndojnë akuzat për vrajse me paramendim e kryer në bashkëpunim dhe armëmbajtje pa leje.
Kujtojmë që shkak i vrasjes është bërë hakmarrja pasi Llej dhe Skënder Lika kanë pretenduar se janë dhunuar nga djemtë e viktimës.
Biznesmeni Rakip Roli, rezulton emër i njohur për policinë. Në vitin 2011 ai u arrestua pasi u përfshi në plagosjen e një 22-vjeçari, ku së bashku me një person tjetër, Petrit Sana rrahën me sende të forta të riun, duke e plagosur rëndë, pas një sherri për motive banale.
