Një 50-vjeçar ka mbetur i vrarë mëngjesin e sotëm në Fier.
Bëhet me dije se ngjarja ka ndodhur rreth orës 6:00 të mëngjesit në lagjen “Sheq i Madh” në Fier.
Mësohet se është ekzekutuar me plumb në kokë nga një distancë e afërt, teksa po shoqëronte bashkëshorten për në punë, shtetasi Ahmet Toska, 50-vjeç, banues në lagjen “Sheq i Madh”.
50-vjeçari Toska është vrarë me armë zjarri pranë banesës së tij, ndërsa dëshmitare është bërë gruaja e tij, e cila ka parë të gjithë skenën.
Britmat tmerruese të gruas së 50-vjeçarit kanë alarmuar të gjithë lagjen, banorët e të cilës kanë dalë për të qetësuar bashkëshorten e 50-vjeçarit të ekzekutuar.
Autori i ngjarjes mësohet se ka qenë i maskuar dhe ka qëlluar me armë zjarrin në kokë 50-vjeçarin, nga afër.
Prej disa orësh tashmë policia dhe FNSH Fier janë vënë në kërkim të autorit të ngjarjes, pasi kanë ngritur edhe pika kontrolli./GazetaReforma.com/
Njoftimi i Policisë:
Fier
Informacion paraprak
Sot rreth orës 06:00, në lagjen “Sheq i Madh” Fier, nga një person ende i paidentifikuar, është vrarë në rrugë me armë zjarri shtetasi A. T., 50 vjeç banues në lagjen “Sheq i Madh”, Fier.
Në vendngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje daljet e qytetit dhe po vijon krehja e zonës nga shërbimet e Policisë Fier dhe FNSH Fier.
