Gjykata e Posaçme ka shpallur vendimin për atentatin e mbetur në tentativë ndaj Ines Harullahut dhe Ervis Matodashajt, i cili do të kryhej më 7 gusht 2023 në Vlorë, por u parandalua nga policia.
Ekzekutori Amarildo Nikolli u arrestua në momentin e realizimit të krimit. Leonard Luzi dhe Muharrem Koroveshi janë të pandehur për këtë çështje.
Pas përfundimit të gjykimit, trupa gjykuese, e kryesuar nga Bib Ndreca, vendosi që Leonard Luzi të dënohet me 11 vite burg, përfshirë gjykimin e shkurtuar, që ul dënimin në 7 vite e 4 muaj.
Ndërkohë, Amarildo Nikolli, i penduar për drejtësinë, ka marrë një dënim prej 7 vite e 4 muaj burgim, që reduktohet në 2 vite e 9 muaj përfundimisht.
