Mesditen e sotme qyteti i Shkodrës është tronditur nga ekzekutimi i 51-vjeçarit Petrit Vuksani. Ngjarja e rëndë ndodhi në lagjen ‘Tom Kola’, teksa autori, i cili dyshohet se ishte qiraxhiu është futur në pallatin ku banonte Vuksani, e ka qëlluar disa herë për vdekje e më pas është larguar në drejtim të paditur. Në momentin e ngjarjes, viktima ka qenë i vetëm në banesë.
51-vjeçari nga fshati Gimaj i Dukagjinit sapo ishte kthyer nga Anglia ndërsa në momentin e vrasjes ka qenë i vetëm në shtëpi kur autori është futur dhe e ka qëlluar. Autori është identifikuar nga policia si Lekë Vuksani, i cili i kishte dhënë banesën me qira viktimës Sipas policisë, autori Lek Vuksani ka shkuar te banesa e Petritit t’i merrte lekët e qirasë por të dy janë konfliktuar dhe më pas autori ka shkrepur automatikun duke lënë të vdekur në vend 51-vjeçarin. Në zonën ku ka ndodhur vrasja ka kamera sigurie që mund të ndihmojnë grupin hetimor për të rënë në gjurmët e tij. Policia ka ngritur pika kontrolli dhe po ushtrohet kontroll në zonë për kapjen e autorit, ndërsa “grupi hetimor vijon punën për sqarimin e rrethanave të ngjarjes, si dhe për sigurimin e çdo prove”.
NJOFTIMI I POLICISË
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç. Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe po ushtrohet kontroll në zonë për kapjen e autorit të dyshuar. Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.
