Princ Dobroshi, i njohur me nofkën “Peshkaqeni”, është ekstraduar drejt Gjermanisë. Ai njihet si një figurë e njohur ndërkombëtarisht për veprimtarinë e tij kriminale dhe dyshohet të jetë një nga liderët më të mëdhenj të trafikut të drogës në vendet e BE-së.
Dobroshi, 59 vjeç, u ekstradua pasi gjykata e Hamburgut lëshoi një urdhër-arresti për akuzën e “Trafikimit të lëndëve narkotike”, në bashkëpunim me një grup kriminal.
Në mars të këtij viti, SPAK sekuestroi pasuritë e Dobroshit dhe kunatit të tij, Olsi Syziu, të dy të hetuar dhe të dënuar për trafikimin e drogës nga Amerika Latine në Europë. Ata janë gjithashtu subjekt i hetimeve për pasuritë e tyre nga SPAK, i cili ka sekuestruar 10 llogari bankare me një vlerë prej 133 mijë euro.
