Ditën e sotme Ministria e Shëndetësisë raportoi për 50 raste të reja të infektuar me koronavirus në vendin tonë, në 24 orët e fundit.
E ndërsa kurba e shifrave për të infektuarit me Covid-19 vazhdon me ulje-ngritjet, një lajm aspak i mirë mësohet për dy vëllezërit Edmond dhe Robert Budina.
Sipas gazetës “Shqip”, dy artistët kanë rezultuar të infektuar me koronavirus.
Pas aktorit të “Portokallisë”, Florian Binaj, që e tregoi vetë publikisht, thuhet se edhe vëllezërit Edmond dhe Robert Budina janë infektuar me Covid-19.
Pas shembjes së Teatrit Kombëtar, në datën 17 maj, Aleanca për Mbrojtjen e Teatrit organizoi shumë protesta të përditshme në formë rebelimi.
Më pas zhvilluan disa takime dhe qëllimi ishte mbledhja e firmave të peticionit për detyruar qeverinë për të rindërtuar teatrin ashtu siç ishte.
Edmond dhe Robert Budina kanë pasur shumë takime edhe në qytete të tjera të Shqipërisë si në Durrës, Shkodër, Kukës.
Nuk dihet nëse dy vëllezërit aktorë e kanë marrë infeksionin në protesta dhe nëse mund t’ja kenë transmetuar personave të tjerë.
