Kandidatja për kryetare e Partisë Demokratike, Edith Harxhi, është shprehur se ka që prej vitit 2014 që i ka kërkuar ish-kryeministrit Sali Berishës që të kthehet në krye të partisë së djathtë.
Në një intervistë për ‘Zonë e Lirë’ në Klan mbrëmjen e djeshme, Harxhi tha se Berisha tashmë e ka nisur fushatën, duke iu referuar fotos që Berisha ka postuar në rrjetet sociale, nga koha kur ishte kryeministër i Shqipërisë.
Harxhi: Kam që në vitin 2014 që i kërkoj Sali Berishës të rikthehet.
Çani: Po ti do bësh indietro?
Harxhi: Prit se unë jam akoma në garë, edhe Berisha nuk besoj se do të vijë që nesër. Megjithëse me foton që kishte postuar qëparë tregoi se ka filluar fushatën.
Deklarata e Harxhit përforcon dyshimet për një rikthim të mundshëm, pasi edhe dy ditë më parë, Berisha u shpeeh se do të rikthehej në poste drejtuese të partisë, duke mos përjashtuar as rikthimit si kryetar.
I pyetur nëse vazhdon me qëndrimin për të mos iu kthyer angazhimit në drejtim të PD, u shpreh: “Kurrë, mos thuaj kurrë”.“Nuk përjashtoj asnjë të drejtë time kushtetuese më”, tha Berisha për Syri Tv. Mbetet për t’u parë nese kryetari historik do të rikthehet sërish në krye të partisë, apo këto janë zera qe pritet të ndikojnë në zgjedhjet e 13 qershorit.
