Ish-presidenti Bujar Nishani ka thënë se Edi Rama mund të largohet vetëm nëse në votime dalin 1 milionë shqiptarë e jo 600 mijë. I ftuar në emisionin “Bardh e Zi” në Abc News, Nishani ka thënë se Rama është e keqja e këtij vendi pasi ka modelin e qeverisjes më të inkriminuar.
“Edi Rama e fitoi atë që donte, Nuk ka nevojë për asnjë shërbim më. Kush i ka shërbyer Edi Rama I ka shërbyer deri më 25 Prill. Blendi tha që duhet të ikë Edi Rama. Edi Rama ka tetë vite që nuk ikën. Pas 12 vitesh pot ë vazhdojmë të themi të gjejmë një mekanizëm që të heshtim, do jetë Edi Rama prapë. Unë kam përgjegjësi qytetare. E keqja e këtij vendi është Edi Rama. Ka modelin e qeverisjes më të inkriminuar. Edi Ramën e rrëzon vetëm nëse në kutitë e votimit shkojnë 1 mln shqiptarë dhe jo 600 mijë shqiptarë. Ata kanë ndenjur në shtëpi sepse nuk janë bindur”, ka thënë Nishani.
Ai u ndal edhe tek kritikat ndaj Partisë Demokratike dhe kreut Luzlim Basha. Nishani tha se çështja e dorëheqjes është mendësi europiane, ndërsa Basha tregoi se nuk u ka thënë të vërtetën shqiptarëve.
Harta ka një tregues. Jo se në Shkodër nuk ka përdorur vjedhje. Pse në Lezhë nuk ka përdorur banda. Në Dibër nuk ka përdorur? Por aty PD është më e fortë e gjithë kjo makineri masakre nuk mundi ta nxjerrë humbëse PD-në. Nuk e gjykoj Bashën unë nëse ishte i butë apo i lehtë. Projekti i Bashës që ai erdhi dhe ia kërkoi anëtarëve të PD. Basha tha se nesër në qeveri do ta çoj Shqipërinë në Europë. Çështja e dorëheqjes është mendësi europiane. Ai tregoi se nuk u ka thënë të vërtetën shqiptarëve sepse nuk ka model europian por afrikan. Unë kam merakun që PD të kthehet në parti të madhe që t’i bindë shqiptarët dhe ta fshijnë Edi Ramën”, tha ish-presidenti.
