Një ngjarje e rëndë është shënuar në Rubik. Tre anëtarë të një familjeje kanë ndërruar jetë për shkak të COVID-19 brenda pak ditësh.
Për shkak të komplikacioneve nga COVID-19, kanë humbur jetën prindërit Hamit dhe Dushe Cara, si dhe djali i tyre i vetëm Arben Cara, 49 vjeç.
Fillimisht ka humbur jetën kryefamiljari Hamit Cara, 75 vjeç një ditë më pas djali Arbeni dhe më pas bashkeshortja e Hamitit, Dushe Cara, 73 vjeçe.
Kujtojmë se në Shqipëri vihet re një ndryshim i sjelljes së virusit. Një numër i madh të rinjsh janë infektuar në vendin tonë. Dyshimet kryesore janë se infektimet janë shkaktuar nga prania e mutacioneve të virusit. Përmendim këtu mutacionin britanik, afrikan dhe brazilian.
Ekspertët e Komitetit Teknik kanë deklaruar zyrtarisht se në Shqipëri ekzistojnë raste infentkimesh me mutacione. Sipas tyre kjo është arsyeja përse po infektohen shumë të rinjë dhe shifrat e vdekjeve janë rritur.
Sa i përket numrit të infektimeve, prej javësh tashmë po rregjistrohen përditë mbi 800 të infektuar dhe gati 19 dekje të përditshme.
Edhe pse vaksinimi ka nisur, një përqindje e vogël ka arritur të injektohet me dozën e parë të vaksinës anti-covid.
Shkurti është shënuar si muaji me bilacin më të zi, pasi gjithsej kanë vdekur 300 persona. Me këto shifra po pritet mbledhja e Komitetit Teknik për shtrëngim masha, por edne nuk ka asnjë informacion.
Kujtojmë se në fuqi kanë mbetur të njëtat masa nga hera e kaluar, pra kufizimi i fashës orare deri në 20:00 e pasdites deri në 06:00 e mëngjesit.
