Një ngjarje aspak e zakontë ka ndodhur në SHBA, ku një i burgosur, i cili ka kaluar është burgosur për një krim që nuk e bëri kurrë, Ëalter Forbes, është liruar pas 37-vjetësh nga burgu!
Forbes, me origjinë nga Michigan, u dënua me burgim të përjetshëm në maj të vitit 1983 me akuzat për zjarrvënie dhe vrasje.
Tani, në moshën 63 vjeç, ai u shpall i pafajshëm, pasi dëshmitarja kryesore pranoi se kishte gënjyer.
Gjithçka filloi nga një sherr në një lokal një mbrëmje në vitin 1982 ku dy burra po rriheshin dhe Forbes ndërhyri për t’i ndarë.
Të nesërmen Dennis Hall, një nga dy personat e përfshirë në përleshje, qëlloi ndaj Forbes për hakmarrje, i cili mbeti vetëm i plagosur lehtë. Ajo që ndodhi disa javë më vonë, megjithatë, i ndryshoi jetën përgjithmonë.
Në të vërtetë, Dennis Hall, vdiq nga flakët e zjarrit në një sulm në apartamentin e tij në Jackson.
Akuzat ranë mbi tre burra, të cilët “u panë” nga një grua e re, Annice Kennebreë. Midis tyre ishte dhe Forbes, por vetëm ai u dënua në të vërtetë. Për dy të tjerët, provat u konsideruan të pamjaftueshme, ndërsa përplasja e mëparshme me viktimën ishte gjithashtu një akuzë kundër tij.
Vite më vonë, Kennebreë rrëfeu se ajo i shpiku të gjitha ato që kishte thënë më parë. Në atë kohë, ajo ishte 19-vjeçe dhe pas zjarrit, asaj iu afruan dy burra që e detyruan atë, nën kërcënim, të shkonte në polici për të treguar se kishte parë Forbes dhe dy burra të tjerë, që i vunë flakën ndërtesës.
“Edhe pse u deshën dekada, unë jam mirënjohës që ajo bëri gjënë e duhur, që në fund të fundit tha të vërtetën”, – tha Forbes.
“Unë nuk e përbuz personin që gënjeu për të më dënuar, edhe nëse arsyeja është egoiste. Nëse nuk do ta falja atë, në fakt, nuk do të ishte e dëmshme për të, por vetëm për mua”, ka deklaruar Ëalter Forbes./Gazetareforma.com/
