Një 32-vjeçar është arrestuar nga policia, pasi akuzohet se ka dhunuar babain e tij me iniciale M.M, 64 vjeç. Ngjarja ka ndodhur në fshatin Buçimas në Pogradec.
Nga ana tjetër, 64-vjeçari akuzohet se ka ushtruar dhunë ndaj dy nuseve të djemve të tij. Sipas njoftimit të policisë, ndaj dy nuseve M. M., 31 vjeçe dhe E. M., 28 vjeçe është lëshuar urdhër mbrojtje.
Ky rast e përcakton qartë dhunën në familje dhe mungesën e masave apo ndryshimeve ligjore për të parandaluar këto skena.
Rastet e dhunës në familje janë rritur gjithashtu dhe nga përhapja e COVID-19, duke qenë se qytetarët kanë kaluar më shumë kohë në familje.
Sipas këtij raporti, numri i rasteve të raportuara arriti në 1,571, rreth 144 raste më shumë krahasuar me të njëjtën periudhë në 2019.
Nuk mbeten pas as rastet e përdhunimeve dhe ngacimeve seksuale, siç është dhe rasti i fundit i abuzimit me të miturën nga një vajzë 25 vjeçare.
Njoftimi i policisë:
Specialistët për Hetimin e Krimeve në Komisariatin e Policisë Pogradec bënë ndalimin e shtetasit në kërkim E. M., 32 vjeç, banues në fshatin Buçimas, Pogradec.
Ky shtetas, në datën 28.01.2021, dyshohet se në banesë ka ushtruar dhunë fizike ndaj babait të tij, shtetasit M. M., 64 vjeç.
Në lidhje me këtë rast u plotësua kërkesë-padia për lëshimin e menjëhershëm të urdhrit të mbrojtjes për shtetaset M. M., 31 vjeçe dhe E. M., 28 vjeçe, banuese në fshatin Buçimas, Pogradec, pasi shtetasi M. M. (vjehrri i tyre) ka ushtruar dhunë psikologjike dhe fizike ndaj tyre.
