Një ngjarje e rëndë është regjistruar mëngjesin e sotëm në aksin rrugor Shkodër –Velipojë, në vendin e quajtur “Trush i Poshtëm”, ku ka ndërruar jetë një 16-vjeçar.
Sipas informacioneve të marra bëhet me dije se 16-vjeçari me inicialet O.G., po udhëtonte me një automjet bujqësor, teksa goditja nga pas nga një mjet tjetër ka qenë fatale për të.
Aksidenti i rëndë ka ndodhur rreth orës 06:00 të mëngjesit të sotëm në afërsi të fshatit Trush. Grupi hetimor dhe policia kanë shkuar me urgjencë në vendngjarje dhe po punojnë për zbardhjen e rrethanave të aksidentit.
Njoftimi i plotë i policisë:
Shkodër/Informacion paraprak
Më datë 24 08.2021, rreth orës 06:00, në aksin rrugor Shkodër –Velipojë, në vendin e quajtur “Trush i Poshtëm”, shtetasi L. L., banues në lagjen “10 Korriku”, Shkodër, duke drejtuar mjetin tip “Benz” është përplasur me një mjet buqësor (motokorrëse) që po dilte nga një rrugë dytësore për në rrugën kryesore dhe për pasojë ka ndërruar jetë drejtuesi i motokorrëses shtetasi O.G. 16 vjeç, banues në fshatin Trush.
Shtetasi L.L., është shoqëruar në ambjetet e DVP Shkoder për veprime te mëtejshme
Aksidenti dyshohet të ketë ndodhur për shkak të kushteve atmosferike (mungesës së fushëpamjes si pasojë e mjegullës)
Grupi hetimor ndodhet në vendngjarje dhe vijon punë për sqarimin e rrethanave të aksidentit.
