Një ngjarje e rëndë ka ndodhur ditën e djeshme në Civitella del Tronto të Italisë.
Një shqiptar, 47-vjeçar ka mbyllur brenda në shtëpi bashkëshorten dhe 4 fëmijët e tij dhe ka tentuar t’i djegë.
Mediat italiane kanë shkruar se shqiptari kishte spërkatur derën e shtëpisë me benzinë dhe i kishte vënë flakën.
Mësohet se aksidentalisht ai është djegur vetë dhe ka humbur jetën.
37-vjeçarja shqiptare bashkë me 4 fëmijët ka shpëtuar falë djalit të saj.
Ka qenë ky i fundit që ka shpëtuar nënën, bashkë me motrat duke i nxjerrë nga shtëpia.
Fqinjët kanë njoftuar zjarrfikësit dhe policinë të cilët kur mbërritën në vendngjarje e gjetën 47-vjeçarin të pajetë jashtë shtëpisë.
Gruaja e tij 37 vjeç, kishte probleme me frymëmarrjen dhe u dërgua në spital, ndërsa fëmijët e moshës 5, 17, 19 dhe 20 vjeç, fatmirësisht nuk u lënduan.
