Orët e para të mëngjesit të sotëm kanë shënuar një tronditje të rëndë në fshatin Kamberas të Fushë-Krujës, ku një sasi eksplozivi ka shpërthyer në një ofiçinë.
Ngjarja mësohet të ketë ndodhur në orën 3:00 të mëngjesit në ofiçinën e 36-vjeçarit, B.D.
Nga ajo që raportohet deri më tani, nuk ka pasur asnjë të lënduar, por vetëm dëme materiale, ku është dëmtuar çatia e ofiçinës, vetratat e dyerve e dritareve si dhe çatia e katit të dytë të një objekti ngjitur.
Policia tashmë shtë në vendngjarje bashkë me grupin hetimor dhe ende nuk ka një shkak për ngjarjen e ndodhur, kjo sepse B.D në komunitet njihet si njeri punëtor dhe pa konflikte.
Njoftimi i policisë:
Më datë 19.04.2019, rreth orës 03:45, në Fushë Krujë , në ofiçinën e shtetasit B.D., ka shpërthyer një sasi e vogël lëndë plasëse, për pasojë ka vetëm dëme materiale. Grupi Hetimor vijon punën për zbardhjen e ngjarjes, identifikimin dhe kapjen e autorëve.
