Një aksident me pasojë vdekjen e një personi ka ndodhur këtë pasdite në aksin Levan – Tepelenë, raporton BalkanWeb.
Konkretisht, aksidenti ka ndodhur në vendin e quajtur Kafaraj, teksa bëhet me dije se viktimë ka mbetur një shtetas i seksit mashkull, që ishte duke udhëtuar me motor.
Mësohet se viktima po ecte me motor, kur u përplas fatalisht nga një automjet në lëvizje.
Momentalisht në vendin e ngjarjes ka shkuar Policia dhe mjekë të Spitalit të Fierit, teksa pamjet nga vendi i ngjarjes tregojnë se ende viktima është në rrugë, ndërsa është mbuluar me një çarçaf.
Hetuesit ndërkohë kanë nisur punën për zbardhjen e rrethanave të ngjarjes.
