Presidenti Ilir Meta ka publikuar ditën e sotme një video, lidhur me padinë ndaj kreut të Këshillit të Emërimeve në Drejtësi, Ardian Dvorani.
Meta ishte i pranishëm në Prokurorinë e Tiranës, ku dha dëshminë e tij për 50 minuta.
Kreu i Shtetit ishte i shoqëruar nga këshilltari ligjor Bledar Dervishi dhe zëdhënësi i tij, Tedi Blushi.
Sipas presidentit, ky rast është tmerrësisht flagrant.
Ndër te tjera ai shpreson që prokuroria të bëjë punën me profesionalizëm dhe të mos jetë nën presione politike.
Konflikti mes Metës dhe Dvoranit lidhet me përzgjedhjen e anëtarëve të Gjykatës Kushtetuese.
Meta e akuzon Dvoranin për shpërdorim detyre dhe përvetësim të titullit apo detyrës shtetërore.
Sipas kreut të shtetit, kreu i KED ka shkelur Kushtetutën, në përpilimin e listave të kandidatëve për Gjykatën Kushtetuese.
Meta gjithashtu e quajti Dvoranin mafioz dhe ushtar të partisë.
