Policia italiane në Venezia ka arrestuar dy shqiptarë pasi kanë plagosur më armë zjarri një 25-vjeçar me origjinë shqiptare.
Lefter Disha, 46 vjeç dhe Armiol Gjoka, 32 vjeç, të akuzuar për vrasjen në tentativë të bashkëkombësit të tyre me iniciale D.E. kanë përfunduar në pranga.
Mediat vendase shkruajnë se dy shqiptarët pasi kanë qëlluar me armë të riun e kanë futur në makinë dhe e kanë hedhur në lumë sepse kanë menduar se ai kishte vdekur.
Ndërkohë 25-vjeçari ka arritur të shpëtojë sepse ka dalë në breg dhe më pas ka kërkuar ndihmë.
Ai është shtruar në spitalin San Dona, ndërsa dy shqiptarët që tentuan ta vrisnin, e kanë akuzuar bashkëkombësin për vjedhjen e kokainës së tyre. Sakaq ky i fundit ka mohuar duke thënë se nuk ka gisht në zhdukjen e lëndës narkotike.
