Pak minuta më parë një atentat me armë zjarri u regjistrua në qytetin e Elbasanit.
Mësohet se personi i plagosur është Ardian Çapja.
Mësohet se Çapja është dërguar për në spitalin e Traumës në gjendje të rëndë shëndetësore. Dihet që Çapja nuk është një emër i panjohur në Shqipëri.
Përveç sulmeve nga fiset rivale në Elbasan, ai është pronar edhe i një hoteli ku kohë më parë OFL i kërkoi deklarimin e pasurisë.
Çapja edhe më herët ka qenë i përfshirë në konflikte me persona të tjerë në qytetin e Elbasanit.
Një atentat ishte zhvilluar ndaj tij në 6 gusht të vitit 2017, që kishte qenë i mirëorganizuar, ndërsa ai u qëllua me kallashnikov e armë të tjera.
Autorët e këtij atentati ende nuk janë identifikuar.
Ndërkohë ditën e sotme, ngjarja ndodhi rreth orës 09:43 minuta në lagjen “Skënderbej”.
Po ashtu policia ka gjetur edhe një mjet të djegur, tip “Wolkswagen”, i cili mendohet se i përket autorëve të plagosjes së Ardian Çapjas.
Për shuarjen e zjarrit kanë shkuar forcat zjarrfikëse dhe gjatë punës për shuarjen e zjarrit është plagosur në këmbë, jashtë rrezikut për jetën, punonjësi i zjarrfikëses shtetasi Dashamir Muhaxhiri, 38 vjeç.
Dyshohet së plagosja është shkaktuar si pasojë e plasjes së plumbave që mund të kenë qenë në bagazhin e automjetit. Ndërkohë, grupi hetimor po punon për sqarimin e rrethanave të ngjarjes.
