Autoriteti Rrugor Shqiptar anuloi procedurën e tenderit për ndërtimin e tunelit të rrugës “Kardhiq-Delvinë”, ndaj “Gjoka Konstruksion”.
Avokati i kësaj kompanie pretendon se përjashtimi është bërë në mënyrë të padrejtë, pasi është favorizuar një firmë tjetër.
Për këtë aryse ai ka depozituar në prokurori një kallëzim penal ndaj drejtoreshës së ARRSH, Sonila Qatos.
Ndër të tjera avokati u ndal edhe tek inspektimi mbi “Rrugën e Arbrit”, për të cilin thotë se ishte i qëllimshëm dhe korruptiv.
Më tej përfaqësuesi ligjor i “Gjoka Konstruksion” kërkon një dëmshpërblim prej 7 miliard lekësh nga shteti.
“Është bërë korrupsion nga drejtoresha e ARRSH. Janë 4.2 milionë euro të marra në mënyrë të padrejtë më shumë sesa do e kryenim ne veprën publike. Ne kemi thënë që ekziston vepra penale e korrupsionit. Kjo nuk do të thotë se ska vepra të tjerë, si pabarazia në tendera. Detyrimi që na ka për të kthyer ne është 7 miliardë lekë. E gjithë zhurma që është bërë ndaj kompanisë ‘Gjoka’ nga drejtoresha e ARRSH, ndaj të cilës bëmë edhe kallëzimin penal, është e padrejtë”, u shpreh avokati.
Ndërkohë gjatë një inspektimi të kryer nga ARRSH për “Rrugën e Arbrit”, rezulton se Gjoka Konstruksion ka bërë deklarim të rremë në lidhje me punimet në segmentin 3, të cilat rezultojnë të papërfunduara.
