Një 24-vjeçar shqiptar është arrestuar nga policia italiane. Ai akuzohet se ka sulmuar me sende të forta dy gra italiane, duke i grabitur më pas.
Ngjarja ka ndodhur në Perugia. Gratë italiane e kishin njohur të riun shqiptar në internet, ku kanë treguar edhe vendndodhjet e tyre.
24-vjeçari shqiptar së bashku me dy bahkëpunëtorë të tjerë, por të mitur, kanë shkuar në shtëpitë e grave italiane me synimin për t’i grabitur.
Kanë qenë gratë e dhunuara ato që kanë njoftuar policinë për grabitjen, ku më pas është bërë i mundur edhe arrestimi i tyre.
Dy gratë pohuan se ishin sulmuar nga disa të rinj, që i kishin njohur në internet.
24-vjeçari shqiptar së bashkë me dy të miturit, po ashtu shqiptarë, u kishin grabitur dy grave italiane një shumë të madhe eurosh. Identiteti i 24-vjeçarit ende nuk është bërë me dije.
