Policia italiane ka arrestuar një person i cili dyshohet se vrau me thikë shqiptaren Luljeta Heshta ditën e djeshme. Mësohet se i arrestuari është partneri i viktimës, e cila jetonte prej 10 vitesh në Itali dhe ishte nënë e një djali. 47-vjeçarja kishte pasur më parë precedent penal që lidheshin me aktivitetin e saj.
Nga hetimet është zbuluar se të dy ishin bashkë prej 20 vjetësh dhe banonin në zonën Corvetto të Milanos. Motivi i vrasjes duket se ka qenë xhelozia e burrit i cili ishte gjithashtu shqiptar, 43 vjeç.
Në momentin që u ndalua nga karabinierët ai ishte i dehur dhe me rrobat që kishte veshur kur kreu vrasjen. Shqiptari nuk e ka pranuar krimin, madje iu tha hetuesve se kishte qenë gjithë ditën në një bar në Milano. Por pamjet e kamerave të sigurisë e tregojnë shqiptarin në skenën e vrasjes.
47-vjeçarja Luljeta Heshta u vra në rrugën Pedriano, në fshatin San Giuliano, zonë që është e njohur për prostitucion. Ajo mori tre plagë në këmbë dhe dy të tjera në shpinë. Edhe pse u dërgua në spital, ajo nuk mundi të mbijetonte pasi thika i kishte prekur organet.
Më parë dëshmitarët që ishin marrë në pyetje treguan se vrasësi ishte një burrë me rroba të zeza, por pa dhënë detaje të tjera, aq sa prokuroi i Lodit bëri thirrje për të gjetur dëshmitarë të tjera.
