Teksa e gjithë vëmëndja është e përqëndruar tek nxjerrja e njerëzve nga gërmadhat që ka lënë si pasojë tërmeti, të burgosurit në Tuqrqi duket se po shfrytëzojnë këto momente kritike për vendin.
Duke shfrytëzuar mungesën e vigjilencës, sipas tyre, të rojeve të burgjeve, disa prej të dënuarve kanë tentuar që të arratisen. Arratisjet janë tentuar në një burg në Hatay dhe Kahramanmaraş, por janë parandaluar në kohë nga efektivët. Ndërkohë që numri i viktimave nga tërmeti shkatërrues që goditi Turqinë dhe Sirinë të hënën është tani të paktën 19,300 sipas autoriteteve. Numri i përgjithshëm i vdekjeve në Siri është të paktën 3,162, duke përfshirë 1,900 në zonat e kontrolluara nga rebelët në veriperëndim sipas grupit të mbrojtjes civile ‘Helmetat e Bardha’, dhe 1,262 vdekje në pjesët e kontrolluara nga qeveria të Sirisë, sipas medias shtetërore siriane.
Dhjetëra mijëra të tjerë janë raportuar të plagosur në të dy vendet, ndërsa punonjësit e shpëtimit luftojnë për të gjetur të mbijetuarit në rrënojat e ndërtesave të rrëzuara mes të ftohtit dimëror. Presidenti i Turqisë ka pranuar se ka pasur “mangësi” në reagimin e vendit të tij ndaj tërmetit shkatërrues.
Shumë turq janë ankuar për mungesën e pajisjeve, ekspertizës dhe mbështetjes për të ndihmuar ata që janë bllokuar – duke i lënë ata të pafuqishëm ndërsa dëgjojnë britma nga nën rrënoja.
