Vlora është tronditur përsëri dhe këtë herë nga të shtënat e armëve.
Sipas raportimeve të para, të shtënat me armë janë dëgjuar në zonën e Lungomares pranë një kompleksi turistik, ku edhe ka një person ka mbetur i plagosur.
I plagosuri mësohet të jetë një kalimtar me inicialet D.C, i cili ka marrë një plumb në këmbë dhe ndodhet jashtë rrezikut për jetën.
Policia ndodhet në vendngjarje ku po punon për zbardhjen e rrethanave, ndërkohë që paraprakisht dyshohet se kemi të bëjmë me një përplasje mes dy grupeve.
Autorët ndodheshin në dy makina dhe kanë qëlluar njëri-tjetrin. Pas ngjarjes, një makinë e djegur është gjetur në Babicë, që dyshohet se iu përket autorëve.
Tashmë policia ka shkuar në vendin e ngjarjes për të kryer të gjitha verifikimet e duhura dhe për të nxjerrë edhe raportin e parë të ngjarjes.
Zona është shumë e populluar dhe të shtënat kanë shkaktuar panik tek personat që kanë qenë të pranishëm.
