Opozita është totalisht kundër pothuajse do vendimi të parë nga Kryeprokurorja e përkohshme, Arta Marku dhe këtë e kanë dëshmuar edhe një herë.
Sipas disa dokumenteve të siguruara nga FaxNews, Arta Marku ka marrë një kallëzim penal për “shpërdorim detyre” në Prokurorinë pranë Gjykatës së Shkallës së Parë Tiranë nga grupi parlamentar i Partisë Demokratike dhe ai i Lëvizjes Socialiste për Integrim.
Në shkresën e drejtuar lexohet që “ Me anë të këtij kallëzimi që ju paraqesim, marrim përsipër të bëhemi përçues të zërit të atyre qytetarëve të ndershëm të këtij vendi, të cilët besojnë se ligji është një dhe i barabartë për të gjithë. Përfundimisht, nga sa analizuar më sipër, rezulton se janë ezauruar të gjitha elementet e veprave penale konkrete për përcaktuara në objektin e këtij kallëzimi penal…”, duke paraqitur edhe gjithë problemet që kanë gjetur gjatë detyrës së Kryeprokurores.
