Kush do ta kishte menduar që ylli i portugezëve do të ishte ngacmuar e bullizuar në vitet e fillimit të karrierës së tij. Ish sulmuesi i Manchester United, Mads Timm ka zbuluar se Cristiano Ronaldo ngacmohej nga disa veteranë të ekipit pasi ai u bashkua me Djajtë e Kuq nga Sporting CP. Timm shpjegoi se ngacmimi që mori ish shoku i tij i skuadrës shërbeu si motiv shtesë në përpjekjen e tij për të provuar vlerën e tij dhe për të pasur sukses në OldTrafford.
“Ronaldo ishte mjaft i jashtëzakonshëm si futbollist dhe si person,” shkroi Timm në librin e tij Djalli i Kuq sipas The Sun.
“Si unë, ai u ngacmua kur erdhi në klub. Me flokët e tij të cilat ai shpejt i preu dhe me përpjekjen e tij pothuajse akrobatike për t’i bërë përshtypje trajnerëve. Ai mund të qëndronte dhe të bënte 10-15 hapa mbrapa përpara se të përpiqej të driblonte përballë kundërshtarit. E veçanta për Cristiano Ronaldon ishte që ai menjëherë mori luftën kundër hierarkisë. Dhe ai e fitoi atë. Ai ishte plotësisht indiferent ndaj pjesës tjetër të shokëve të tij të skuadrës. Ai nuk la vend për të tjerët. Isha unë, unë, unë. Cristiano Ronaldo. CR7.”
