Aleanca për Teatrin pritet të kallëzojë penalisht kreun e Bashkisë së Tiranës, Erion Veliajn.
Padia e siguruar nga “Balkanweb”, do të dorëzohet pranë Prokurorisë Speciale Anti-korrupsion.
Kryebashkiaku akuzohet për “Shpërdorim detyre” në lidhje me projektin për Teatrin.
Aktivistët dhe Aleanca për Teatrin kërkojnë informacion nga bashkia për projektin dhe procedurat e tenderimit.
Në padinë që pritet t’i dorëzohet SPAK, Aleanca kërkon të dijë kriteret e përzgjedhjes së fituesit dhe vlerën e projektit.
Kujtojmë këtu se ditën e djeshme aktivistë dhe aktorë protestuan përpara Bashkisë së Tiranës.
Kryebashkiaku Veliaj ndërkohë e ka quajtur çetë Aleancën për Teatrin.
