Dyshohet se mund të jetë shënuar personi i parë me Coronavirus në vendin tonë.
Top Channel bën me dije se një grua, 50 vjeç, është shtruar në QSUT, pasi dyshohet të jetë prekur nga COVID-19.
Fillimisht ajo ishte paraqitur në Spitalin e Lushnjes, pasi kishte shfaqur simptoma , si vështirësi në frymëmarrje, temperaturë të lartë dhe dhimbje artikulacionesh.
Identiteti i saj nuk është zbuluar ende, por sipas informacioneve paraprake bëhet fjalë për shtetasen me iniciale M.V nga Urza e Lushnjes.
Pas kontrolleve të bëra në spitalin e Lushnjes është mbajtur në karantinë dhe pas një ore është nisur drejt QSUT për ekzaminime të mëtejshme.
Po ashtu, bëhet me dije se 50- vjeçarja kishte dy ditë që ishte kthyer nga Padova në Itali.
Ndërkohë, shifrat e fundit të bëra publike nga autoritet italiane bëjnë me dije se ka shkuar në 197 numri i viktimave, 3916 të infektuar dhe 523 të shëruar.
Kujtojmë se deri më tani në mbarë botën janë konfirmuar mbi 101, 728 raste të prekura me Coronavirus dhe 3,461 njerëz kanë vdekur.
