Dan Hutra, një vrasës gjakftohtë, dyshohet përveç dy viktimave, Mevlute Hysa dhe Kujtime Hysa, dyshohet se është autori i vrasjes Etleva Kurtit dhe plagosjes së Marjana Gurakuqit.
Autori përveç armës së krimit, kallashnikov, me vete kishte dhe një thikë, me të cilën dyshohet se e përdori për të plagosur ish-të dashurën Marjana Gurakuqi (krimi i parë që kreu sot).
Ndaj të parës që qëlloi me armë Hutra ishte ish-kunata e tij, Mevlute Hysa, duke e lënë të vdekur, dhe më pas qëlloi me armë dhe me thikë ish-gruan, Elena Hysa, 35 vjeçe, në sy të fëmijës së tyre të mitur, raporton Neës 24. Por siç duket Hutra, një vrasës gjakftohtë nuk është mjaftuar me kaq, pasi ka qëlluar me armë ndaj ish-vjehrrës, Kujtime Hysa dhe nusen e vëllait të ish-gruas, 30-vjeçaren Hasime Dafku.
Menjëherë pas krimit dyshohet se autori është larguar me shpejtësi me një mjet tip Benz ngjyrë e errët drejt Kamzës, atje ku mendohet se kreu dhe krimin tjetër të rëndë, duke qëlluar me armë disa herë në drejtim të 31-vjeçares Elteva Kurti. Kjo e fundit është motra e Vladimir Kurtit, i dënuar përjetë për vrasjen e një çifti në Kamëz. Hetuesit kanë dyshime të forta se Dan Hutra është i autor i këtyre ngjarjeve kriminale, pasi është përdorur një kallashnikov, dhe në të dyja zonat është parë që të qarkullonte e njëjta makinë.
Vlem të theksojmë se 40-vjeçari, me precedentë të shumta penale, kishte dalë nga burgu më 16 shkurt. Aktualisht ai është në arrati, ndërsa policia ka ngritur posblloqe në disa pika të kryeqytetit.
