Ndonëse në fillim të javës shkalla e përhapjes së Coronavirusit ra ndjeshëm, ku në Kinë dhe Itali u shënua edhe numri më i ulët i të infektuarve që nga përhapja e virusit, tashmë situata është bërë alarmante.
Sipas të dhënave të fundit në rang botëror janë regjistruar 101,728 persona të infektuar , teksa kanë humbur jetën 3, 461 persona të tjerë.
Më herët mbrëmjen e sotme u raportua se një 50-vjeçare ishte izoluar në QSUT, pasi dyshohet se është prekur nga Coronavirusi.
Fillimisht ajo ishte paraqitur në Spitalin e Lushnjes pasi kishte shfaqur simptoma , si vështirësi në frymëmarrje, temperaturë të lartë dhe dhimbje artikulacionesh dhe pas kontrolleve të bëra është mbajtur në karantinë dhe pas një ore është nisur drejt QSUT për ekzaminime të mëtejshme.
50- vjeçarja kishte dy ditë që ishte kthyer nga Padova e Italisë.
Dyshohet se është prekur nga Coronavirus: Një person izolohet në QSUT, sapo ishte kthyer nga Italia
Lidhur me këtë lajm ka reaguar së fundmi edhe Drejtori i Spitalit të Lushnjës , Pjerin Vogli, i cili bëri me dije se transferimi i gruas ishte bërë pasi ajo kishte patur temperaturë të lartë dhe mbi të gjithë sapo ishte kthyer nga Padova, ku është regjistruar një numër i madh i të prekurve.
Vogli nuk përjashtoi mundësinë se pacientja mund të jetë thjesht me grip, madje sipas tij ajo është me grip të zakonshëm, por gjithsesi nuk mund të japim përfundime pa dalë rezultati i analizës.
Ndërkohë virusi vazhdon të përhapet në të gjithë globin, ndërsa Italia ka pësuar një goditje të madhe, ku deri tani ka shkuar në 197 numri i viktimave, ndërkohë janë 3916 persona të infektuar dhe 523 të tjerë janë shëruar shëruar.
