Dhjetëra prindër me fëmijë të sëmurë në krahë presin me orë të tëra në dyert e në urgjencës pediatrike, për shka të mungesës për përballimin e këtij fluksi. Vetë prindërit shprehen për Report TV se fëmijët janë me temperaturë mbi 39 gradë, por kjo gjë nuk e përshpejton marrjen e mjekimit nga bluzat e bardha. Puna vijon me staf të reduktuar.
“Presim në radhë. Jam numri 161. Kam gjysmë ore që pres. Goca me temperaturë 39 e dy vija,”- tha një nënë.
“Kemi një orë e 30 minuta që presim dhe dy orë do pres. Brenda është plotë. Po punon vetëm një dokto,.” – tha një tjetër prind.
“Temperatura e lartë që shkon 39-40 gradë është simptoma më e shpeshtë, temperaturë, temperaturë e cila ka qenë e pamenaxhueshme në kushte shtëpie,”- shtoi një tjetër.
“Me temperature. Ka pas katër-pesë ditë . Me 38 gradë, me 38 e dy vija. E kam pasur me atibiotikë. E sollëm për një rishikim,”- vijoi dikush më tej.
“Që dje mbasdite e kam me temperature. E kam dërguar dhe te mjeku i familjes. Ka marr shurup dhe nuk I bie. Ndërkohë rradha është te 128, do pres unë dy orë edhe tre orë. Temperatura nuk po i bie,”- tha një prej prindërve.
“Me temperature 39, 38. Ka dy ditë me këtë gjendje,”- u shpreh një tjetër prind.
“Deri tani me 38 e gjysmë. Është katër vjeç. Ka dy ditë me këto simptoma,”- tha një prind më tej.
Në këtë periudhë jemi në kulmin e qarkullimit të virozave stinore, ndërkohë që varianti i ri i Covid-19 është në qarkullim dhe ka bërë që shumë prej vendeve të mbyllin kufijtë.
