Luftës së ashpër përballë COVID-19 nuk i kanë shpëtuar as mjekët dhe deri tani në Shqipëri janë infektuar 48 mjekë dhe infermierë.
Së fundmi, ministrja e Shëndetësisë dhe Mbrojtjes Sociale Ogerta Manastirliu, nëpërmjet një postimi në faqen e saj në Facebook, ka ndarë lajmin e mirë se janë shëruar edhe 2 mjekë në Tiranë, duke e çuar në 32 numrin e personave të shëruar nga personeli shëndetësor që është prekur nga koronavirusi.
Mes mjekëve që vijojnë betejën e tyre në spitalin Infektiv kundër sëmundjes që donin të luftonin janë edhe reanimatori Roland Xhaxho, i cili ka probleme me frymëmarrjen dhe mjeku Andi Koraqi që është në gjendje të qëndrueshme.
Kujtojmë se edhe mjeku Dhimitër Kraja u infektua nga COVID-19, pasi u kthye në ndihmë të kolegëve disa vite pasi kishte dalë në pension.
Tashmë ai është shëruar dhe Manastirliu ka treguar se mjeku do të rikthehet sërish në Infektiv.
Postimi i Ministres Manastirliu:
“Shërimi i plotë edhe i 2 mjekëve në Tiranë të prekur nga #COVID19 është një lajm shpresëdhënës në këtë ditë simbol të triumfit të jetës🙏🏼 Shkon në 32 numri i personelit mjekësor të #shëruar nga COVID-19 ✅ Deri tani janë 217 pacientë dhe staf mjekësor që e kanë fituar betejën me 🤜#COVID-19🤛”
https://www.facebook.com/168952600227465/posts/927905304332187/
